آئی ٹی کے شعبے میں ترقی کے لیے ایس آئی ایف سی کی معاونت سے حکومتی اقدامات اور آئی ٹی کے شعبے میں ماہرین کی شمولیت کےلیے کاوشیں جاری ہیں۔
حکومت کی جانب سے نوجوانوں کی آئی ٹی مہارت بڑھانے کے لیے نیا آئی سی ٹی ٹریننگ پورٹل متعارف کرایا گیا، گریجویٹس کا آئی ٹی کمپنیوں سے استفادہ حاصل کرنے کے لیے ہواوے اور وزارت آئی ٹی کے مابین معاہدہ طے پاگیا۔
نوجوانوں اے آئی اور سائبر سکیورٹی جیسی جدید ٹیکنالوجیز میں عملی تجربے کی فراہمی کا منصوبہ بنایا گیا جبکہ ایس آئی ایف سی کی معاونت سے ٹریننگ پروگرام میں گریجویٹس کو تین سال تک انٹرنشپ کی سہولت دی گئی۔
ہواوے کی جانب سے جدید ٹیکنالوجیز اور تربیتی پروگرام میں معاونت کا عندیہ دیا گیا ہے، آئی ٹی کے میدان میں ماہر نوجوانوں کی بدولت پاکستان کی معیشت اور ٹیکنالوجی میں ترقی متوقع ہے۔
ہواوے کی جانب سے تکنیکی تربیت میں اضافے کے لیے کامسیٹس یونیورسٹی اسلام آباد کے ساتھ مفاہمتی یادداشت پر دستخط کیے گئے، کراچی میں تربیتی مراکز کا قیام اور پورے ملک میں پروگرام کا دائرہ وسیع کرنے کا منصوبہ بھی زیر غور ہے۔
ایس آئی ایف سی کے تعاون سے آئی ٹی کے میدان میں یہ اہم پیشرفت ملکی معیشت کی بحالی و ترقی کی ضامن ہے۔
