پاکستان سپر لیگ ( پی ایس ایل ) 10 کے لیے لاہور قلندرز کے ری ٹین کھلاڑیوں کے ناموں کا اعلان کردیا گیا۔
پی ایس ایل کے قوانین کے مطابق ہر ٹیم زیادہ سے زیادہ 8 کھلاڑیوں کو ری ٹین کر سکتی ہے اور لاہور قلندرز کے ری ٹین کیے گے 8 کھلاڑیوں میں کپتان شاہین شاہ آفریدی شامل ہیں۔
ہر سیزن کی طرح اس بار بھی لاہور قلندرز نے اپنے کور کھلاڑیوں کو برقرار رکھا ہے۔
لاہور قلندرز نے شاہین شاہ آفریدی اور فخر زمان کو پلاٹینم کیٹیگری میں ری ٹین کیا۔
اس کے علاوہ لاہور قلندرز کے پوسٹر بوائے اور برانڈ ایمبیسیڈر حارث رؤف کو ڈائمنڈ کیٹیگری میں برقرار رکھا گیا، ان کے ساتھ ڈائمنڈ کیٹیگری میں زمبابوے کے کپتان آل راونڈر سکندر رضا کو بھی رکھا گیا۔
گولڈ کیٹیگری میں عبداللہ شفیق، زمان خان اور جہانداد خان شامل ہیں جبکہ نمیبیا کے آل راونڈر ڈیوڈ ویسا کو سلور کیٹیگری میں ری ٹین کیا گیا۔
ٹیم ڈائریکٹر ثمین رانا کا کہنا تھا کہ یہ کھلاڑی صرف سکواڈ کا ہی نہیں بلکہ ہماری فیملی ہیں، ری ٹین کیے گئے کھلاڑیوں کا انتخاب کرنا آسان نہیں تھا، جن کھلاڑیوں نے بھی لاہور قلندرز کی کٹ پہنی ہے ان کی دل میں خاص جگہ ہے۔
ثمین رانا کا کہنا تھا کہ یہ کھلاڑی ہمیشہ لاہور قلندرز کی میراث کا حصہ رہیں گے، ری ٹینشن صرف کنٹریکٹ نہیں بلکہ ایک ساتھ مل کر ٹیم کی لیگیسی بنانا ہے، ری ٹینشن پی ایس ایل لیگ کا سب سے مشکل مرحلہ ہوتا ہے۔
دوسری جانب پی ایس ایل ڈرافٹ 11 جنوری کو ہونے جا رہا ہے اور ڈرافٹ میں لاہور قلندرز سکواڈ کے باقی کے 12 کھلاڑیوں کا انتخاب کرے گا جبکہ پی ایس ایل کے ڈرافٹ میں پہلی باری لاہور قلندرز کی ہے۔
