نیو اسلام آباد انٹرنیشنل ایئرپورٹ کی آؤٹ سورسنگ کیلئے فنانشل بڈ کھول دی گئی۔
رپورٹ کے مطابق فنانشل بڈ کھولنے کی تقریب کراچی میں پاکستان ایئرپورٹ اتھارٹی ہیڈ کوارٹر میں منعقد ہوئی، بڈ میں شارٹ لسٹ ہونے والی واحد ترک کمپنی نے تقریب میں حصہ لیا۔
ترجمان پاکستان ایئرپورٹ اتھارٹی کے مطابق ترک کمپنی نے اسلام آباد انٹرنیشنل ایئرپورٹ کی آمدنی کا 47.25 فیصد حصہ دینے کی پیشکش کردی۔
پی اے اے ذرائع کے مطابق ترک کمپنی کی پیشکش کے جائزے کیلئے ٹرانزیکشن ایڈوائزر آئی ایف سی میں بھیجی جائے گی، آئی ایف سی اپنی جائزہ رپورٹ 9 جنوری تک پی اےاے کو پیش کرے گا۔
رپورٹ کے مطابق اسلام آباد ایئرپورٹ سے متعلق ترک کمپنی کی پیش کش کی حتمی منظوری وزیراعظم کی زیر صدارت وفاقی کابینہ دے گی۔
