پاکستان سمیت دنیا بھر میں مسیحی برادری کرسمس کا تہوار عقیدت اور جوش و جذبے سےمنارہی ہے۔
لاہور میں کرسمس کی تقریبات جاری ہیں،مسیحی علاقے اور گرجا گھروں برقی روشنیوں سے جگمگا اٹھے، شہر میں کرسمس تقریبات کے لیےسیکورٹی پلان مکمل کرلیا گیا، 6سومسیحی عبادت گاہوں میں 5ہزارسے زائد اہلکاروں کی ڈیوٹی ہوگی،صوبہ بھر کے 2900 گرجا گھروں پر 30 ہزار پولیس اہلکار ڈیوٹی دیں گے۔
شہر کے حساس گرجا گھروں کی چھتوں پرسنائیپر تعینات ہونگے،کرسمس بازاروں ، تفریح گاہوں کے باہر بھی سیکورٹی ہائی الرٹ رہے گی۔
سرگودھا، فیصل آباد اور گوجرانوالا کےگرجا گھروں میں بھی دعائیہ تقریبات منعقد کی گئی، حیدرآباد میں سینٹ فرانسس چرچ میں بھی خصوصی عبادات کا سلسلہ جاری رہا جہاں مٹھائیاں تقسیم کی گئیں۔
سکھر کے گرجا گھروں میں کرسمس کی خوشی میں کیک کاٹے گئے، پشاور کی سینٹ جونز کیتھڈرل چرچ میں دعائیہ تقریب ہوئی۔
کوئٹہ کےمختلف گرجا گھروں میں بھی کرسمس تقریبات کا سلسلہ جاری رہا،کرسمس کے موقع پر مختلف شہروں میں سیکیورٹی کےسخت انتطامات کیے گئے۔
ملتان مسیحی برادری نے ایک دوسرے کوتحائف دے کر مزہبی تہوار جوش و جزبہ سے منایا اورملک وقوم کی سلامتی کے لیے دعائیں بھی کیں۔
کرسمس کےموقع پروزیراعلیٰ خیبرپختونخواسردارعلی امین خان گنڈاپورنے اپنے پیغام میں کہا ملک بھر خصوصاًخیبرپختونخوامیں بسنےوالی مسیحی برادری کوکرسمس کی خوشیاں مبارکب ہوں،
