ضلع خیبر میں سیکیورٹی فورسز نے آپریشن میں 4 دہشت گرد ہلاک کر دیئے۔
پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے ضلع خیبر کے علاقے راجگال میں آپریشن کے دوران 4 دہشت گرد ہلاک کر دیئے۔
ترجمان پاک فوج کے مطابق سپاہی عامر سہیل آفریدی بہادری سے لڑتے ہوئے شہید ہوگئے، سپاہی عامر سہیل آفریدی کی بہادری اور قربانی قوم کے لیے باعث فخر ہے۔
بیان میں مزید کہا گیا ہے کہ خوارجیوں کا ایک گروہ پاک افغان سرحد سے دراندازی کی کوشش کر رہا تھا، افغان حکومت افغان سرزمین کو دہشت گردی کے لیے استعمال ہونے سے روکے۔
آئی ایس پی آر کے بیان میں مزید کہا گیا ہے کہ پاکستان کی مسلح افواج دہشت گردی کے خاتمے کے لیے پرعزم ہیں، بہادر جوانوں کی قربانیاں اس عزم کو مزید مضبوط کرتی ہیں۔
