پاک فوج کی جانب سے شمالی وزیرستان کی تحصیل سپن وام میں فری میڈیکل کیمپ کا انعقاد کیا گیا۔
فری میڈیکل کیمپ میں دو سو نوے سے زائد مریضوں کا طبی معائنہ کیا گیا اور مفت ادویات فراہم کی گئیں۔ مریضوں میں ایک سو پنتالیس بچے بھی شامل تھے۔
کیمپ میں گائناکالوجسٹ، چائلڈ اسپیشلسٹ، میڈیکل اسپیشلسٹ سمیت دیگر ماہر ڈاکٹرز نے خدمات فراہم کیں۔ کیمپ میں ایکسرے، الٹراساؤنڈ اور لیب ٹیسٹ کی جدید سہولیات بھی دستیاب تھیں۔
علاقہ مکینوں نے پاک فوج کا شکریہ ادا کرتے ہوئے کہا کہ دور دراز علاقوں میں فری میڈیکل کیمپ کا قیام ان کے لیے کسی نعمت سے کم نہیں۔
