اسپیکر قومی اسمبلی ایازصادق کا کہنا ہے کہ ہمارےدروازے کھلے ہیں،کوئی آئے گا تو نہ نہیں کریں گے مگر لوگوں کو پکڑ کر نہیں کہہ سکتے کہ آئیں مذاکرات کراتے ہیں۔
اسپیکرز کانفرنس کے اختتام پر پریس کانفرنس کے دوران ایازصادق نے کہا کہ ان کی مرضی ہوگی توہم سہولت کاری کریں گے، بہتری کےلیے ہمیں جس کی بھی منت کرنی پڑی توکریں گے۔
اسپیکرقومی اسمبلی ہم کہیں گے کہ آپ مذاکرات کیلئےکمیٹی بنادیں، جس دن مذاکرات شروع ہوئےتوراستہ بنناشروع ہوجائےگا، ہمارا دفترحاضرہے، ہم خاموشی سے سہولت کاری کریں گے۔
ایازصادق نے مزید کہا کہ اسپیکرز کانفرنس میں پارلیمان کی بالادستی کے عزم کااعادہ کیا گیا، تمام ارکان کو ساتھ لیکر چلنااسپیکرکی ذمہ داری ہے، جمہوری روایات،اخلاقی اقدارکی پاسداری ضروری ہے۔
انہوں نے کہا کہ ہم سے کسی رکن کو گرفتار کرنے کی اجازت نہیں لی جاتی ہمیں بتایا جاتاہے، پروڈکشن آرڈرز کے حوالے سے جب بھی ضرورت پڑی جاری کریں گے۔
