مدارس رجسٹریشن بل کے معاملے پر بات چیت کیلئے وزیراعظم شہباز شریف نے سربراہ جے یو آئی مولانافضل الرحمٰن کو آج ملاقات کیلئے مدعوکرلیا ہے۔
وزیراعظم سے ملاقات میں جمیعت علما اسلام کے سربراہ مولانا فضل الرحمان اتحادتنظیمات مدارس کا مؤقف پیش کریں گے۔ وزیراعظم کی جانب سے نئی تجاویز دی گئیں تو مولانا اتحاد تنظیمات مدارس سے رجوع کریں گے۔
وزیراعظم کیجانب سے ملاقات کیلئے مدعو کیے جانے کے بعد مولانا فضل الرحمٰن نے مفتی تقی عثمانی سےرابطہ کرکے مشاورت بھی کرلی ہے۔ وزیراعظم شہباز شریف سے ملاقات میں مولانا عبدالغفورحیدری اور سینیٹر کامران مرتضیٰ بھی مولانا کے ہمراہ ہوں گے۔
واضح رہے کہ گزشتہ روز قومی اسمبلی میں اظہار خیال کرتے ہوئے جمعیت علمائے اسلام کے سربراہ مولانا فضل الرحمان نے کہا تھا کہ مدارس بل اب ایکٹ بن چکا ہے اب ہم کوئی ترمیم قبول نہیں کریں گے اور یہ بات نہ مانی گئی تو پھر ایوان کی بجائے میدان میں فیصلہ ہوگا۔
