بانی پی ٹی آئی عمران خان نے پارٹی کی مذاکراتی کمیٹی کو اڈیالہ جیل طلب کرلیا۔
بانی پی ٹی آئی کے وکیل نے اڈیالہ جیل انتظامیہ کو پارٹی کی مذاکراتی کمیٹی کو بانی پی ٹی آئی عمران خان سے ملاقات کرانے کی درخوست دیدی۔
پاکستان تحریک انصاف کی مذاکراتی کمیٹی میں 7 ارکان شامل ہیں، کمیٹی میں عمر ایوب،علی امین گنڈاپور،اسد قیصر،حامد خان شامل ہیں، سلمان اکرم راجہ،علامہ ناصر عباس اور حامد رضا بھی کمیٹی کا حصہ ہیں۔
اڈیالہ جیل میں آج سابق وزیراعظم عمران خان سے مذاکراتی کمیٹی اور فیملی ممبران کی ملاقات متوقع ہے۔
واضح رہے کہ گزشتہ روز عمران خان نے ایک بار پھر اپنے دو مطالبات پورے کرنے کے لیے اتوار تک کا الٹی میٹم دیتے ہوئے کہا تھا کہ اس کے بعد پھر سول نافرمانی تحریک کا اعلان کروں گا۔
اڈیالہ جیل میں عمران خان سے ملاقات کے بعد علیمہ خان نے بتایا تھا کہ عمران خان نے 9 مئی اور 26 نومبر کے واقعات کی جوڈیشل انکوائری جبکہ بے گناہ کارکنان کی فوری گرفتاری کے مطالبات دہرائے ہیں۔
