بھارتی بحریہ کی اسپیڈ بوٹ بے قابو ہو کر مسافر کشتی سے ٹکرا گئی، حادثے میں بھارتی بحریہ کے3 اہلکاروں سمیت 13 افراد ہلاک ہوگئے۔
بدھ کی دوپہر ممبئی ہاربر میں بھارتی بحریہ کی اسپیڈ بوٹ انجن کی آزمائش کے دوران بے قابو ہوکر مسافر کشتی سے ٹکرا گئی۔
اسپیڈ بوٹ کی ٹکر سے کشتی سمندر میں اُلٹ گئی۔کشتی میں کم از کم 110 افراد سوار تھے۔ مسافر فیری سیاحوں کو لے کر ممبئی کے قریب ایلیفنٹا جزیرے پر جا رہا تھی۔
بھارتی بحریہ کی اسپیڈ بوٹ کے مسافر کشتی سے ٹکرا جانے کے نتیجے میں کم از کم 13 افراد ہلاک ہو ئے جبکہ اب تک 99 افراد کو بچا لیا گیا ہے۔ سے سرچ اینڈ ریسکیو آپریشن کے دوران بچائے جانے والے افراد میں سے 4 کی حالت نازک ہے۔
واضح رہے کہ بھارتی بحریہ کی مسلسل گرتی کارکردگی اور غیر پیشہ ورانہ رویے کے باعث حادثات میں اضافہ ہوتا جا رہا ہے۔
