موٹروےپولیس ایم تھری نے ایمانداری کی مثال قائم کرتے ہوئے حادثہ کی شکار کار سے ملنے والے ایک کروڑ روپے لواحقین کے حوالے کردیے۔
ترجمان موٹروے پولیس کے مطابق لاہور سے ملتان جانے والی کارٹائرپھٹنےسےحادثہ کا شکار ہوئی گئی تھی جس کے نتیجے میں موٹروے پولیس نے شدید زخمیوں کو اسپتال منتقل کردیا تھا ۔ تلاشی لینے پر کار سے ایک کروڑ روپے نقد ، موبائل فونز ملے۔
ترجمان موٹروے پولیس کے مطابق حادثہ کے شکار دو افراد اسپتال میں دم توڑ گئے تھے۔ سیکٹر کمانڈر شہباز عالم کی ہدایات پر لواحقین سے رابطہ کیا گیا۔
ڈی ایس پی نے اپنی نگرانی میں ایک کروڑ روپے اوردیگر قیمتی اشیاء لواحقین کے حوالے کی۔۔۔ ایڈیشنل آئی جی علی احمد صابر کیانی نے پٹرولنگ افسران کی ایمانداری کو سراہا ہے۔
