مولانا فضل الرحیم اشرفی کا کہنا ہے کہ مدارس کی رجسٹریشن پرمیرامؤقف وہی ہےاتحادتنظیمات مدارس کاہے، دینی مدارس کے حوالہ سے میڈیا پر چلایا جانے والا میرا بیان حقائق کے منافی ہے۔
لاہور وفاق المدارس العربیہ پاکستان کے سرپرست اور جامعہ اشرفیہ لاہور کے مہتمم حضرت مولانا حافظ فضل الرحیم اشرفی نے اپنے ایک بیان میں کہا ہے کہ دینی مدارس کی رجسٹریشن کے حوالہ سے میرا مؤقف بالکل واضح اور وہی ہے جو وفاق المدارس العربیہ پاکستان اور اتحاد تنظیمات کا ہے۔
انہوں نے کہا کہ میرے حوالہ سے میڈیا پر جو بیان چلایا جارہا ہے وہ سراسر حقائق کے منافی ہے جس کا حقیقت کے ساتھ کوئی تعلق نہیں ہےدینی مدارس ملک کی نظریاتی سرحدوں کے محافظ، اسلام کے قلعے، ہدایت کے سرچشمے اور نسلِ نو کے ایمان کی حفاظت کا بہترین ذریعہ ہیں۔
