چیف جسٹس یحیٰی آفریدی کی زیر صدارت جوڈیشل کمیشن کا اجلاس آج ہوگا۔
جوڈیشل کمیشن کے اجلاس میں جسٹس شاہد بلال کی آئینی بینچ میں شمولیت پر غور کیا جائے گا۔ آئینی بینچ نے جسٹس عائشہ ملک کی جگہ ملٹری کورٹس کیس میں نئے جج کی شمولیت کیلئے کمیشن سے رجوع کیا تھا۔
دوسری طرف آج پشاور اور سندھ ہائی کورٹس میں ججز کی تقرری کیلئے بھی جوڈیشل کمیشن کا اجلاس شیڈول ہے۔
دوسری جانب جسٹس منصور علی شاہ نے اجلاس مؤخر کرنے کیلئے گزشتہ روز 2 خطوط لکھے تھے، جسٹس منصور علی شاہ نے ایک خط چیف جسٹس اور دوسرا جوڈیشل کمیشن کو لکھا تھا، جسٹس منصور علی شاہ نے رولز بنائے بغیر ججز تعیناتی پر تحفظات کا اظہار کیا تھا۔
