زمبابوے کے خلاف دوسرے ٹی 20کے لیے پاکستان کی پلیئنگ الیون کا اعلان کردیا گیا۔
بلاوائیو میں پاکستان اور زمبابوے کے درمیان تین میچوں کی سیریز کا دوسرا ٹی 20 مقامی وقت کے مطابق سہ پہر ساڑھے 4 میچ کل کھیلا جائےگا، جس کے لیے پلیئنگ الیون میں کوئی تبدیلی نہیں کی گئی۔
پاکستان ٹیم سلمان علی آغا (کپتان)، صائم ایوب، عمیر بن یوسف، عثمان خان (وکٹ کیپر)، طیب طاہر، محمد عرفان خان، جہانداد خان، محمد عباس آفریدی، حارث رؤف، ابرار احمد، صفیان مقیم کھلاڑیوں پر مشتمل ہے۔
واضح رہے کہ گزشتہ روز پاکستان نے 3 ٹی 20 میچز کی سیریز کے پہلے میچ میں زمبابوے کو 57 رنز سے شکست دے دی تھی، جبکہ میزبان ٹیم 165 رنز ہدف کے تعاقب میں 108 رنز پر ڈھیر ہوگئی تھی۔
