قومی کرکٹ ٹیم کے فاسٹ باؤلر شاہین آفریدی نے بھارتی باؤلر جسپریت بمراہ سے ملاقات کرکے انہیں بیٹے کی ولادت پر مبارکباد پیش کی ہے۔
خیال رہے کہ بھارتی فاسٹ باؤلر جسپریت بمراہ کے ہاں رواں ماہ 4 تاریخ کو بیٹے کی ولادت ہوئی تھی۔
شاہین نے بمراہ کو بیٹے کی ولادت کی مبارکباد دیتے ہوئے نیک خواہشات کا اظہار کیا اور نوزائیدہ بچے کے لئے تحفہ بھی دیا۔
ملاقات کے دوران شاہین آفریدی کا بمراہ کو مخاطب کرتے ہوئے کہنا تھا کہ ’’ بھائی ، بہت بہت مبارک ہو، اللہ اسے ہمیشہ خوش رکھے اور وہ نیا بمراہ بنے ‘‘۔
اس موقع پر بھارتی باؤلر کی جانب سے شاہین آفریدی کا شکریہ بھی ادا کیا گیا۔
پاکستان کرکٹ بورڈ ( پی سی بی ) کی جانب سے سماجی رابطے کی ویب سائٹ ایکس پر ویڈیو بھی جاری کی گئی ہے جس میں شاہین آفریدی کو جسپریت بمراہ سے ملاقات کرتے دیکھا جا سکتا ہے۔
Spreading joy 🙌
— Pakistan Cricket (@TheRealPCB) September 10, 2023
Shaheen Afridi delivers smiles to new dad Jasprit Bumrah 👶🏼🎁#PAKvIND | #AsiaCup2023 pic.twitter.com/Nx04tdegjX
یاد رہے کہ پاکستان اور بھارت کے درمیان کولمبو میں اتوار کو کھیلے جانے والا میچ بارش کے باعث ریزرو ڈے ( پیر ) تک ملتوی کر دیا گیا ہے ۔
