بیلاروس کے صدر الیگزینڈرلوکاشینکو کے اعزاز میں باضابطہ استقبالیہ تقریب وزیراعظم ہاوس اسلام آباد میں ہوئی ۔ معزز مہمان کو گارڈ آف آنر بھی پیش کیا گیا۔
بیلاروس کے صدرالیگزینڈرلوکاشینکو وزیراعظم ہاوس پہنچنے پر وزیراعظم شہباز شریف نے معززمہمان کا پرتپاک استقوبال کیا۔ دونوں رہنماؤں نے پرجوش مصافحہ بھی کیا۔ موقع پر دونوں ممالک کے قومی ترانے بھی بجائے گئے۔
بیلا روس کے صدر الیگزینڈر لوکاشینکو کومسلح افواج کے دستے کی جانب سے گارڈ آف آنر پیش کیا گیا۔ وزیراعظم نے معززمہمان سے اپنی کابینہ کا تعارف کرایا جبکہ بیلاروس کے صدر نے اپنے وفد کا وزیراعظم سے تعارف کرایا۔
بیلاروس کے صدر نے وزیراعظم ہاؤس کے سبزہ زار میں پودہ بھی لگایا۔ترجمان وزیراعظم ہاؤس کے مطابق پاکستان اور بیلاروس کے مابین تعاون کی مختلف مفاہمتی یادداشتوں اور معاہدوں کے تبادلے کے ساتھ ساتھ دونوں رہنما مشترکہ اعلامیہ بھی جاری کریں گے۔
