سربراہ پاک فضائیہ ایئرچیف مارشل ظہیراحمد بابرسدھو نے آئیڈیاز دفاعی نمائش کا دورہ کیا ہے۔
پاک فوج کے شعبہ تعلقات عامہ ( آئی ایس پی آر ) کے مطابق ایئرچیف مارشل ظہیر احمد بابر سدھو نے آئیڈیاز دفاعی نمائش کا دورہ کیا جس کے دوران انہیں نمائش سے متعلق تفصیلی بریفنگ دی گئی۔
آئی ایس پی آر کے مطابق ایئر چیف مارشل ظہیراحمد بابرسدھو نے آئیڈیاز دفاعی نمائش میں مختلف اسٹالز کا بھی دورہ کیا اور دفاعی صنعت کے فریم ورک کے قیام کی حوصلہ افزائی کی۔
دورے کے دوران ایئرچیف نے تکنیکی روڈ میپ کو ہم آہنگ کرنے کیلئے بین الاقوامی تعاون پرزور دیا۔
آئی ایس پی آر کا مزید کہنا تھا کہ سربراہ پاک فضائیہ کا دورہ قومی دفاعی صلاحیتوں کو بڑھانے میں تکنیکی تعاون اور جدت کو اجاگر کرتا ہے۔
