انٹرنیشنل کرکٹ کونسل ( آئی سی سی ) کی جانب سے چیمپئنز ٹرافی 2025 کے شیڈول کا اعلان تاحال نہ کیا جاسکا۔
میڈیا رپورٹس کے مطابق آئی سی سی نے تاحال چیمپئنز ٹرافی کے شیڈول کا اعلان نہیں کیا اور اس حوالے سے پاکستان سمیت میزبان ملکوں کے ساتھ مشاورت جاری ہے۔
گزشتہ روز چیئرمین پاکستان کرکٹ بورڈ ( پی سی بی ) محسن نقوی نے بھی کہا تھا کہ انہیں بھی شیڈول کا انتطار ہے۔
چیمپئنز ٹرافی کا شیڈول بھارتی ہٹ دھرمی کی وجہ سے لیٹ ہو رہا ہے کیونکہ بھارت نے چیمپئنز ٹرافی کے لئے پاکستان آنے سے انکار کر رکھا ہے۔
دوسری جانب رپورٹس میں دعویٰ کیا گیا کہ رواں ہفتے شیڈول کا اعلان ہونے کا امکان ہے۔
واضح رہے کہ پی سی بی نے چیمپئنز ٹرافی ہائبرڈ ماڈل پر نہ کروانے کا اعلان کیا ہے۔
