اسلامی نظریاتی کونسل نے وی پی این کا استعمال غیرشرعی قرار دے دیا ہے۔
تفصیلات کے مطابق چیئرمین اسلامی نظریاتی کونسل راغب نعیمی کا کہنا ہے کہ کسی ذرائع سے غیراخلاقی اور غیرقانونی اُمور تک رسائی ممنوع ہے۔ بیان میں راغب نعیمی کا کہنا تھا کہ غیرقانونی مواد یا بلاک شدہ ویب سائٹس تک رسائی کیلئے وی پی این کا استعمال ناجائزہے۔برائی اور برائی تک پہنچانے والے تمام اقدامات روکنا حکومت کی ذمےداری ہے۔متنازع، گستاخانہ اورملک کے خلاف استعمال ہونے والی ایپس بند ہونی چاہئیں۔
