آسٹریلیا نے پاکستان کو پہلے ٹی ٹوینٹی میچ میں 29 رنز سے شکست دیتے ہوئے فاتحانہ آغاز کر دیاہے تاہم اب کپتان محمد رضوان نے شکست کی وجہ بیان کر دی ہے ۔
تفصیلات کے مطابق قومی ٹیم کے کپتان محمد رضوان کا کہناتھا کہ 7 اوورز کے میچ میں چیزوں کو نارمل رکھنا اور پلاننگ کرنا مشکل ہو تی ہے ، آئندہ میچز میں کم بیک کرنے کی کوشش کریں گے ، گلین میکسویل کو کریڈٹ دینا پڑے گا کیونکہ ان کی اننگز سے بڑا فرق پیدا کر دیا ۔
یاد رہے کہ گلین میکسویل نے پاکستان کیخلاف شاندار بیٹنگ کا مظاہرہ کرتے ہوئے 19 گیندوں پر 43 رنز کی اننگ کھیلی جو کہ آسٹریلیا کیلئے نہایت فائندہ مند ثابت ہوئی۔ آسٹریلیا نے پاکستان کو جیت کیلئے 94 رنز کا ہدف دیا جس کے جواب میں پاکستانی ٹیم 9 وکٹوں کے نقصان پر 64 رنز ہی بنانے میں کامیاب ہوئی۔
