سینئر وزیرپنجاب مریم اورنگزیب نےکہا ہے کہ بدھ تک حالات دیکھیں گے، اگر صورتحال بہتر نہ ہوئی تو مکمل لاک ڈاؤن ہوگا۔
سینئروزیرپنجاب مریم اورنگزیب نےپریس کانفرنس کرتے ہوئے کہا ہےکہ لاہور اور ملتان میں مکمل لاک ڈاؤن لگایاجائےگا،ریسٹورنٹس پرصرف شام 4بجےتک کھانےکی اجازت ہوگی،شام 4 بجےکےبعدریسٹورنٹس پر صرف ٹیک اوےہوگا،
مریم اورنگزیب نےمزیدکہا کہ لاہور اور ملتان میں ہیلتھ ایمرجنسی نافذ کردی ہے،اسپتالوں میں او پی ڈیز کا وقت 8 بجے تک کردیاگیا،تعلیمی اداروں میں چھٹیاں بڑھا دی گئیں ہیں،یونیورسٹیوں کو بھی بند کرنےکا فیصلہ کیا ہے،کالجز اور یونیورسٹیز میں آن لائن کلاسز ہوں گی۔
پنجاب میں آج سےاینٹوں کےتمام بھٹے بند کردئیےگئے،جبکہ فرنس انڈسٹری کو بھی لاہور،ملتان میں بند کر دیاہے،تعمیراتی کام پر ایک ہفتے کے لیے پابندی ہوگی۔
مریم اورنگزیب نےکہا اگرحالات بہترنہ ہوئےتوجمعہ،ہفتہ اور اتوارکومکمل لاک ڈاون ہوگا،تمام صورتحال دیکھتے ہوئے فیصلے پر عملدرآمد آئندہ ہفتے سے ہوگا۔
انہوں نےکہاجن ملکوں نے اسموگ پرکام کیا، ان کے شہریوں نے بھی بہت کام کیا،ہفتے اور اتوار کو لوگ گھروں میں رہیں،اداکاروں،فنکاروں،میڈیا کا بہت رول ہے،گالیاں دینے والوں کو کہوں گی خدارا اسموگ کےخلاف ایک ہوجائیں۔
دوسری جانب آج لاہور ہائی کورٹ نے پنجاب حکومت کو اسموگ کے خاتمے کے لیے 10 سال کی پالیسی بنانے کی ہدایت کر دی ہے۔
