ایس آئی ایف سی تیل کی ریفائنریوں کے چیلنجز حل کرنے کے لیے معاونت فراہم کرنے کے لیے سرگرم ہے ۔
تفصیلات کے مطابق ایس آئی ایف سی کی جانب سے پیٹرولیم ڈویژن کوریفائنری اپ گریڈ منصوبے کی ہدایت کر دی گئی ہے ۔"پارکو" فرنس آئل کو پیٹرول اور ڈیزل میں تبدیل کرنے کا ہائیڈرو کریکر یونٹ کے قیام کا منصوبہ زیرغور ہے ۔
ہائیڈرو کریکر یونٹ کی 1 بلین ڈالر کی سرمایہ کاری توانائی کے شعبے کو تحفظ فراہم کرے گی ۔ ریفائنریوں نے حکومت سے پٹرول اور ڈیزل کو سیلز ٹیکس سے مستثنیٰ کرنے کی درخواست کی ہے ۔
اسی حوالے سے سیلز ٹیکس کی ترامیم ایس آئی ایف سی کی سرمایہ کاری حمایت کی عکاسی ہیں ۔سیلز ٹیکس ایکٹ 1990 تمام مال و خدمات پر سیلز ٹیکس نافذ کرتا ہے جس میں ترمیم کی کاوش جاری ہے ۔
ایس آئی ایف سی کی مدد سے توانائی کے شعبے کی ترقی اقتصادی استحکام کا باعث بنے گی۔
