چئیرمین پاکستان کرکٹ بورڈ محسن نقوی نے آسٹریلیا کے خلاف دوسرا ون ڈے جیتنے پر قومی کرکٹ ٹیم کو مباکباد پیش کی ہے۔
چئیرمین پی سی بی محسن نقوی نےتمام کھلاڑیوں کو دل کی اتھاہ گہرائیوں سےمبارکباد دیتے ہوئےکہا
حارث روف اورشاہین آفریدی نےشاندار باولنگ کرکےفتح میں اہم کردار ادا کیا،کپتان محمد رضوان نے عمدہ کیپنگ کرتے ہوئے 6 کیچ پکڑے،صائم ایوب اور عبداللہ شفیق نےذمہ دارانہ بیٹنگ کرکے پاکستان کو 9 وکٹوں سےکامیابی دلائی۔بہترین پرفارمنس پرحارث روف،شاہین آفریدی،محمد رضوان،صائم ایوب اور عبداللہ شفیق تحسین کےمستحق ہیں۔
مزیدکہاکہ کھلاڑیوں نےفیلڈنگ باولنگ اوربیٹنگ میں شاندار کارکردگی دکھائی،آسٹریلیا جیسی مضبوط ٹیم کو ہوم گراؤنڈمیں شکست دے کرکھلاڑیوں نےقوم کے دل جیت لیے،کھلاڑیوں نےمیدان میں ٹیم ورک کا بہترین مظاہرہ کیا اورنتیجہ جیت کی صورت میں سامنے آیا،اس فتح سے کھلاڑیوں کا مورال بڑھے گا اور آئندہ میچ میں بھی اچھی کارکردگی کا مظاہرہ کریں گے۔
امید ہےکہ قومی کرکٹ ٹیم کے کھلاڑی آنے والے میچوں میں بہترین پرفارمنس کا تسلسل برقرار رکھیں گے۔
