لاہورمیں صبح سویرے ایئر کوالٹی انڈیکس کی شرح،537 ریکارڈ کی جارہی ہے،لاہورمیں فضائی آلودگی کی شرح گزشتہ روز کی نسبت کم ہے۔
اسموگ کے باعث پنجاب حکومت نے لاہور میں آج سے ایک ہفتے کے لیے پانچویں جماعت تک کے اسکول بند کردیے ہیں۔محکمہ ماحولیات نے لاہور میں آٹھ نومبر سے ہیوی ٹرانسپورٹ کے داخلے پر پابندی عائد کردی۔
شہر کے مختلف علاقوں میں اسموگ کی شرح 700 سے زائد ہے،لاہور آج بھی دنیا کا آلودہ ترین شہرقرار دیا جارہا ہے۔
نارووال، حافظ آباد، فیصل آباد اور راولپنڈی سمیت پنجاب کے کئی شہروں میں اینٹی اسموگ آپریشن جاری ہے۔
