محکمہ انسداد دہشت گردی (سی ٹی ڈی) خیبرپختونخوا کی جانب سے انتہائی مطلوب دہشت گردوں کی نئی فہرست جاری کردی گئی۔
تفصیلات کے مطابق محکمہ انسداد دہشتگردی نے مزید 128 مطلوب دہشتگردوں اور اشتہاریوں کی تفصیلات جاری کردیں۔ مطلوب اشتہاریوں کے سر کی قیمت 3 لاکھ روپے سے 80 لاکھ روپے مقرر کی گئی ہے۔
حکام کی جانب سے عوام سے گرفتاری میں مدد کی اپیل کی گئی ہے، عوام ای میل،ٹیلی فون اورموبائل نمبر پر اطلاع دے سکتے ہیں۔ دہشتگردوں کی اطلاع دینے والے افراد کا نام پوشیدہ رکھا جائے گا۔
یاد رہے کہ 30ستمبر کو بھی سی ٹی ڈی کی جانب سے 30 مطلوب دہشت گردوں کی فہرست جاری کی گئی تھی، فہرست میں 30 دہشت گردوں کے نام اور تصاویر شامل ہیں۔دہشت گردوں کے سروں کی قیمتیں بھی مقرر کردی گئی ہیں جو کہ مجموعی طور پر 3 کروڑ روپے سے زیادہ ہے۔
