انگلینڈ کیخلاف شاندار کامیابی پر پاکستان کرکٹ بورڈ کے چیئرمین محسن نقوی نے تمام کھلاڑیوں سے ملاقات کی اور بہترین کارکردگی پر شاباش دی ۔
تفصٰلات کے مطابق چیئرمین پی سی بی محسن نقوی نے انگلینڈ کیخلاف فیصلہ کن ٹیسٹ میچ اور سیریز جیتنے پر کھلاڑیوں مبارک باد دی اور کہا کہ ’ ویلڈن ٹیم پاکستان ‘ ۔ انہوں نے کہا کہ دیر آید درست آید ، آپ متحد ہو کر کھیلے تو کامیابی نے آپ کے قدم چومے ، شروع دن سے ہی ٹیم ورک کی ضرورت پر زور دیا اور آج رزلٹ سب کے سامنے ہے۔
محسن نقوی نے کہا کہ تمام کھلاڑیوں اور پوری مینجمنٹ کو مبارک دیتا ہوں، اس جیت کی ٹیم اور قوم کو بہت ضرورت تھی ، مسائل کا اندازہ تھا، ایشوز حل کئے تو رزلٹ آپ کے سامنے ہے ، نئے کپتان کے لیے مشاورت کا عمل جاری ہے، کپتان جو بھی ہو گا ٹیم کے لئے بہترین ہو گا، سب نے دیکھا کہ نئے کھلاڑیوں کو موقع دینے سے نتیجہ جیت کی صورت میں آیا۔
انہوں نے کہا کہ ٹیم نے فائٹ کی، اچھی جیت ملی اور اس ضمن میں بہت محنت کی گئی، اچھی کارکردگی دکھانے والے کھلاڑیوں کی حوصلہ افزائی کریں گے، سنٹرل کنٹریکٹ کے عمل کو جلد حتمی شکل دیں گے، آج کی فتح سے قوم بہت خوش ہے اور قوم کی خوشی آئندہ بھی برقرار رہنی چاہیے، جیت کے تسلسل کو برقرار رکھنا ہے، نوجوان اور تجربہ کار کھلاڑیوں دونوں کی ضرورت ہے۔
چیئر مین پی سی بی نے کہا کہ کپتان شان مسعود نے چیئرمین پی سی بی محسن نقوی کو کھلاڑیوں کے دستخط والی شرٹ دی۔ ٹیم مینجر نوید اکرم چیمہ نے کہا کہ چیئرمین پی سی بی محسن نقوی نے کھلاڑیوں کی بہت حوصلہ افزائی کی، چیئرمین پی سی بی نے ٹیم اور کھلاڑیوں کے لئے اچھے اقدامات اور فیصلے کیے ۔
