پنڈی ٹیسٹ کےدوسرے دن کا کھیل جاری ہے،پہلی اننگ میں انگلینڈ کی ٹیم کے 267رنز پر آؤٹ ہونے کے بعد پاکستان ٹیم کی بیٹنگ آج بھی جاری ہے،قومی ٹیم نے 7 وکٹ کے نقصان پر 187 رنز بنا لیے۔
کھیل کا آغازکپتان شان مسعود اورسعودشکیل نےکیا تاہم پاکستان کی چوتھی وکٹ 99 رنز پرگرگئی جب شان مسعود 26 رنزبناکرآؤٹ ہوگئے،پاکستان کی پانچویں وکٹ 151 رنزپرگری جب محمد رضوان 25 رنز بنا کرآؤٹ ہوئے۔
پاکستان ٹیم کی وقفے وقفےسے وکٹیں گرنےکا سلسلہ جاری تھا تاہم ایک اینڈ سےسعود شکیل نے عمدہ انداز میں مزاحمت جاری رکھی اور ایک اینڈ پرجمے رہے۔
انہوں نےاس دوران اپنی نصف سنچری بھی مکمل کی،قومی ٹیم کی چھٹی وکٹ 155 اورساتویں وکٹ 177 رنز پر گری، پہلےسلمان آغا 1 اور پھر عامر جمال 14 رنز بنا کر آؤٹ ہوئے
گزشتہ روز پاکستان ٹیم نے 3 وکٹوں پر 73 رنز بنالیے تھے۔
