وزیراعظم شہباز شریف نے پاکستان ریونیو آٹومیشن لمیٹڈ کی تعمیر نو کے لیے لائحہ عمل تشکیل دینے کی ہدایت کردی ہے ۔
اسلام آباد میں فیڈرل بورڈ آف ریونیو( ایف بی آر) اصلاحات کےحوالے سے پیشرفت جائزہ اجلاس کی صدارت کرتے ہوئے وزیر اعظم شہباز شریف نے کہا ایف بی آرافسران کی پیشہ ورانہ استعداد بڑھانے اور مؤثر طورپربروئےکار لانے کیلئے اقدامات کیے جائیں، ایف بی آر میں ٹیکس دہندگان کے لیے دوستانہ ماحول فراہم کیا جائے۔
وزیراعظم شہباز شریف کی متعلقہ افسران کو تمام ایف بی آر اصلاحات کی بروقت تکمیل یقینی بنانے کی بھی ہدایت جاری ہے اور کہا کہ ٹیکس اور محصولات کا نظام مؤثر بنانے کے لیے جدید ٹیکنالوجی کا استعمال انتہائی اہم ہے وزیراعظم نے ملک میں اسمگلنگ کی روک تھام کا نظام مزید مؤثر بنانے کی ہدایت بھی کی ۔
