اسلام آباد ہائیکورٹ نے ماہ رنگ بلوچ کا نام ای سی ایل سے نکالنے کی درخواست پر وزارت داخلہ اور ایف آئی سے دو روز میں رپورٹ طلب کر لی ہے۔
چیف جسٹس عامرفاروق نے ماہ رنگ بلوچ کا نام ای سی ایل سے نکالنے کی درخواست پر سماعت کی۔درخواست گزار کی جانب سےایمان مزاری ایڈووکیٹ عدالت میں پیش ہوئیں۔ چیف جسٹس نے سرکاری وکلاء سے استفسار کیا انکا نام کس لسٹ میں شامل ہے؟ عدالت کو بتایا گیا کہ ماہ رنگ بلوچ کا نام اب ای سی ایل میں شامل ہے۔
عدالت نے استفسار کیا کہ اب انکا نام ای سی ایل میں ہے ،اب کا کیا مطلب ہے؟ وکیل وزارت داخلہ نے کہاپہلے نام پی سی ایل میں تھا، پھر پی این سی ایل میں ڈالا گیا، اب 18 اکتوبر کو انکا نام ای سی ایل ڈالا گیا ہےعدالت نےرپورٹ طلب کرتے ہوئے کیس کی سماعت اگلے ہفتے تک ملتوی کر دی۔
