صدر مملکت آصف علی زرداری سے مشاورت کیلئے وزیر اعظم شہباز شریف ایوان صدر پہنچ گئے ، مجوزہ آئینی ترمیم کیلئے اتفاق رائے کی کوششوں اور موجودہ سیاسی صورتحال پر تبادل خیال کیا گیا ۔
ہفتہ کو ایوان صدر میں ہونے والی ملاقات کے دوران صدر آصف علی زرداری اور وزیر اعظم شہباز شریف نے چھبیسویں آئینی ترمیم کے حوالے سے پیشرفت کا جائزہ لیا ۔
اس سے پہلے چیئرمین پی پی بلاول بھٹو زرداری کی سربراہی میں پیپلز پارٹی کا وفد وزیر اعظم ہاؤس پہنچا تھا جہاں وزیر اعظم سے ملاقات کرکے مجوزہ چھبیسویں آئینی ترمیم سے متعلق مشاورت کی گئی۔
پیپلز پارٹی کے وفد میں شیری رحمن، سید نوید قمر اور مرتضی وہاب شامل تھے جبکہ نائب وزیرِاعظم اسحاق ڈاراور وفاقی وزیرِ قانون و انصاف اعظم نذیر تارڑ بھی ملاقات میں موجود تھے ۔
