فیصل آباد میں اسٹیج فنکارہ کی گاڑی پر موٹرسائیکل ملزمان کی فائرنگ سے اداکارہ زخمی ہوگئیں، پولیس نے زخمی خاتون کو اسپتال منتقل کرکے ملزمان کی تلاش شروع کردی۔
راجباہ روڈ پر اسٹیج اداکارہ سوہا علی خان نجی تھیٹر سے ڈرامہ ختم کرکے گھر کی جانب روانہ ہوئیں تو موٹرسائیکل سوار ملزمان نے فائرنگ کردی ۔ جس سے اداکارہ زخمی ہوگئیں ۔
سوہا علی کے مطابق ملزم عامر نے دوستی سے انکار پر ساتھیوں کے ہمرا جان سے مارنے کی کوشش کی ۔ پولیس نے تین ملزمان کے خلاف واقعہ کا مقدمہ درج کرکے ملزمان کی تلاش شروع کردی۔
