اسرائیلی طیاروں کی لبنان پر بمباری کا سلسلہ جاری ہے،رات گئے بیروت پر حملوں میں پانچ پیرا میڈکس جاں بحق،بالبیک میں بھی 4 شہری شہید ہوگئے۔ 24 گھنٹے کے دوران شہدا کی تعداد چوالیس ہوگئی۔
اسرائیل کی جنوبی لبنان میں دراندازی کی کوشش پرحزب اللہ کی جانب سےشدید مزاحمت کی گئی۔حملوں میں متعدد صیہونی فوجی مارے گئے۔ شمالی اسرائیل پر راکٹ حملوں میں دو اسرائیلی ہلاک،چھ زخمی ہوگئے۔ کئی گھروں میں آگ لگ گئی۔
دوسری جانب امریکی صدرجوبائیڈن اوراسرائیلی وزیراعظم نیتن یاہو کےدرمیان ٹیلی فونک رابطہ ہوا۔امریکی میڈیا کےمطابق جوبائیڈن اورنیتن یاہو نےایرانی میزائل حملوں کےممکنہ ردعمل پر بات چیت کی۔ اسرائیلی وزیردفاع کا کہنا ہے کہ ایرانی حملے کا ردعمل شدید اور ایران کیلئےسرپرائز رہا۔
