پاک بھارت ٹاکرے سے قبل قومی بیٹر امام الحق نے سماء کو ایکسلوزو انٹرویو دیتے ہوئے کہا کہ بیٹر ہونے کے ناطے میں رنز کرنے کا موقع ہاتھ سے نہیں جانے دونگا خوش قسمت ہونگا تو آج بھی رنز بناونگا۔
قومی بیٹر امام الحق کا مزید کہنا تھا کہ بیٹر ہونے کے ناطے یہ سوچتا ہوں کہ محنت اور پریکٹس پر فوکس رکھوں رزلٹ کے بارے میں ہماری ٹیم نہیں سوچتی اسی وجہ سے ہماری ٹیم کامیاب ہے۔
امام الحق نے کہا اگر میری وجہ سے آج میچ جیتتے ہیں تو بہترین ہوجائے گا۔کبھی بھی کسی باولر کو کھیلنے کی ٹینشن نہیں ہوتی۔ بمرا اور سراج اچھے باولر ہیں کنڈیشن کو مدنظر رکھتے ہوئے پلان بنا کر بھارتی باولرز کو کھیلینگے۔بھارت سے کافی عرصے بعد ون ڈے کھیل رہے ہیں لیکن ہم باولرز پر نہیں گیند پر فوکس رکھیں گے۔
انہوں نے کہاکافی عرصے سے دیکھ رہا ہوں کہ فخر زمان پر تنقید ہوتی ہے. فخر زمان فخر پاکستان ہے،چار پانچ میچز میں اچھی پرفارمنس نہیں آرہی تو یہ نہیں کہ سکتے کہ وہ اچھا کھلاڑی نہیں ہے. اس وقت اُنھیں سپورٹ کی ضرورت ہے،مجھے نہیں لگتا کہ وہ آوٹ آف فارم ہے۔
