لاہور ہائیکورٹ نے جسٹس منصورعلی شاہ کی بطور چیف جسٹس تقرری کا نوٹیفکیشن جاری کروانے کیلئے درخواست پر سماعت کرتے ہوئے درخواست گزار کو تیاری کی مہلت دے دی ۔
لاہور ہائیکورٹ کے جسٹس شہرام سرور چوہدری نے ندیم شبلی ایڈووکیٹ کی درخواست پر سماعت کی، درخواست گزار نے موقف اختیارکیا کہ آئین کے تحت سپریم کورٹ کے سینئر ترین جج نے سپریم کورٹ کا چیف جسٹس بننا ہے۔جسٹس منصور علی شاہ اب سپریم کورٹ کے سینئر ترین جج ہیں،جسٹس منصور علی شاہ کی تعنیاتی کو وزیر اعظم شہباز شریف اور صدر آصف زرداری متنازعہ بنا رہے ہیں درخواست گزار نے استدعا کی کہ عدالت جسٹس منصور علی شاہ کا بطور چیف جسٹس حکومت کو نوٹیفکیشن جاری کرنے کا حکم دے۔
