چئیرمین پاکستان کرکٹ بورڈ محسن نقوی نے چیمپئنز ٹرافی کے لئے کمیٹیاں تشکیل دینے کی ہدایت کردی۔
چئیرمین پاکستان کرکٹ بورڈ محسن نقوی کی زیرصدارت اہم اجلاس ہوا،اجلاس میں آئی سی سی چیمپئنز ٹرافی ٹورنامنٹ کی تیاریوں کاجائزہ لیاگیا،محسن نقوی نے چیمپئنز ٹرافی کے لئے کمیٹیاں تشکیل دینے کی ہدایت کردی۔
اس کےعلاوہ اجلاس میں فیصل آباد میں جاری چیمپئنزکپ اورا سٹیڈیمزاپ گریڈیشن پراجیکٹ کا بھی جائزہ لیاگیا،اس موقع پر چئیرمین پی سی بی کا کہنا تھا کہ ہرکمیٹی کی ذمہ داریاں طے کی جائیں اور کام شروع کیا جائے،چیمپئنز ٹرافی میں دنیا کی بڑی ٹیمیں آرہی ہیں،انتظامات بہترین ہونے چاہئیں، اسٹیڈیمزکے کام کوبروقت مکمل کرنے کیلئے کوئی کسر اٹھانہ رکھی جائے،فیصل آباد میں پی ایس ایل میچ کرانے کا جائزہ لیں گے۔
