امریکی صدر ڈونلڈ ٹرمپ پر قاتلانہ حملہ کرنیوالے گرفتار مشتبہ حملہ آور کا تعلق ریاست کیلیفورنیا سے ہے۔
امریکی حکام کےمطابق مشتبہ شخص کی شناخت کیلیفورنیا سے تعلق رکھنے والے ایک 31 سالہ شخص کےطور پر ہوئی ہے،پولیس چیف کے مطابق حملہ آورکیلیفورنیا میں ایک ٹیچر ہے،حملے کے وقت اسکے پاس ایک سے زیادہ ہتھیارشاٹ گن،پستول اورچاقو تھے اوراس نےسکیورٹی پرحملہ کرنےکی کوشش کی،واقعے میں ایک سیکرٹ سروس اہلکار کو گولی لگی لیکن وہ بلٹ پروف جیکٹ کی وجہ سے بچ گیا، سیکیورٹی ٹیمیں کیلیفورنیامیں حملہ آورکی رہائش گاہ پہنچ گئیں،۔
ٹرمپ نے پریس ڈنرمیں فائرنگ کرنیوالے مشتبہ حملہ آور کی تصویر جاری کردی
امریکی اٹارنی جنرل کاکہنا ہےکہ ملزم کو پیر کےروزعدالت میں پیش کیاجائےگا،ملزم پراسلحے کے استعمال اور فیڈرل آفیسر پر حملے کے چارجز لگائے گئے ہیں،ملزم کو طبی امدادکےلئے اسپتال منتقل کیاگیا ہے۔
واشنگٹن کے پولیس چیف کی پریس بریفنگ
ڈی سی پولیس چیف کاکہناہےکہ کارروائی کے دوران حملہ آور کو کوئی گولی نہیں لگی،ممکنہ طور پر حملہ آور ہلٹن ہوٹل میں ٹھہرا ہوا تھا،ہوٹل کے ایک کمرے کو ہم نے محفوظ بنا لیا ہے،حملہ آوراس ساری کارروائی میں اکیلا تھا،حملہ آور کے مقاصد کےبارےمیں فی الحال کچھ نہیں معلوم۔
امریکی صدر ڈونلڈ ٹرمپ نےکہا کہ گرفتارمشتبہ حملہ آورکا تعلق کیلیفورنیا سے ہے،اہلکاروں نے بروقت اقدام کرکےہزاروں افراد کی جانیں بچائیں،جلد معلوم کرلیں گے کہ آیا یہ واحد شوٹرتھا۔
