پریکٹس اینڈ پروسیجر ترمیمی آرڈیننس سپریم کورٹ میں چیلنج کردیا گیا۔ آرڈیننس کے تحت ہونے والے تمام اقدامات کو کالعدم قراردینے کی استدعا کی گئی ہے۔
پریکٹس اینڈ پروسیجر ترمیمی آرڈیننس کے خلاف چوہدری احتسام الحق ایڈووکیٹ نےسپریم کورٹ میں درخواست دائر کی۔ درخواست میں موقف اختیار کیا گیا ہے کہ ترمیمی آرڈیننس کو آئین سے متصادم قرار دیا جائے اور آرڈیننس کے تحت ہونے والے تمام اقدامات کو کالعدم قرار دیا جائے۔
استدعا کی گئی ہے کہ درخواست پر فیصلے تک پریکٹس اینڈ پروسیجر ترمیمی آرڈیننس معطل کیا جائے۔ درخواست کے مطابق آرڈیننس کا اجرا پارلیمانی جمہوریت کے خلاف ہے۔ سپریم کورٹ بھی قرار دے چکی آرڈیننس صرف ہنگامی حالات میں ہی جاری ہوسکتا ہے۔
