پاکستان کرکٹ بورڈ ( پی سی بی ) کی مینجمنٹ کمیٹی کے چیئرمین ذکاء اشرف نے کہا ہے کہ میری خواہش ہے کہ پاکستان دوسری مرتبہ ورلڈ کپ جیتے۔
تقریب سے خطاب کرتے ہوئے چیئرمین مینجمنٹ کمیٹی ذکاء اشرف کا کہنا تھا کہ ٹیم کی اچھی پرفارمنس خوش آئند ہے، آگے بڑے میچز ہیں۔
ذکاء اشرف نے کہا کہ مجھے ویزہ مل گیا تھا لیکن صحافیوں کو ویزہ ملنے کے بعد بھارت جانے کا فیصلہ کیا۔
انہوں نے بتایا کہ کچھ دیر پہلے میری بھارتی کرکٹ بورڈ کے سیکرٹری جے شاہ سے گفتگو ہوئی ہے، شائقین کے ویزے بھی جلد جاری کردئیے جائیں گے۔
ان کا کہنا تھا کہ اگر انڈیا اور پاکستان کے درمیان کرکٹ ہوگی تو امن ہوگا۔
انہوں نے مزید کہا کہ زینب عباس کے ساتھ جو ہوا مجھے اس کا رنج ہے۔
