پاکستان پیپلز پارٹی ( پی پی پی ) کے چیئرمین بلاول بھٹو زرداری نے 26 ویں آئینی ترمیم سے متعلق میڈیا میں زیرگردش مسودہ جعلی قرار دے دیا۔
اپنے حالیہ بیان میں چیئرمین پیپلز پارٹی بلاول بھٹو زرداری کا کہنا تھا کہ 26 ویں آئینی ترمیم سے متعلق میڈیا میں زیرگردش مسودہ اصلی نہیں ، ابھی آئینی عدالت کے قیام سے متعلق اپنا مسودہ تیار کر رہے ہیں۔
چیئرمین پیپلز پارٹی کا کہنا تھا کہ مسودہ مولانا فضل الرحمان کے ساتھ شیئر کریں گے اور وہ بھی اپنا مسودہ تیار کر رہے ہیں جبکہ کوشش ہوگی پیپلزپارٹی اور جے یو آئی مشترکہ مسودے پر اتفاق کرلیں۔
بلاول بھٹو کا کہنا تھا کہ پیپلز پارٹی اور جے یو آئی اتفاق رائے کے بعد آگے بڑھیں گے۔
ان کا کہنا تھا کہ کوشش ہے پی ٹی آئی کی بھی رائے لی جائے۔
