وزیر اعظم شہباز شریف کا کہنا ہے کہ ہم نے فری لانسرز کو آگے بڑھنے کے مواقع فراہم کرنے ہیں۔
اسلام آباد میں منعقدہ تقریب سے خطاب کرتے ہوئے وزیر اعظم شہباز شریف کا کہنا تھا کہ گوگل کی عالمی سطح پر خدمات اور پاکستان میں کارکردگی لائق تحسین ہے ، ہمیں نوجوانوں کی تعلیمی تربیت اور با اختیار بنانے کیلئے وسائل فراہم کرنا ہوں گے۔
وزیر اعظم کا کہنا تھا کہ نئے سیکرٹری انفارمیشن ٹیکنالوجی ( آئی ٹی ) کی تقرری کا عمل شفاف طریقے سے ہوا ۔
شہباز شریف کا کہنا تھا کہ آئندہ 5 سال میں آئی ٹی برآمدات کا 25 ارب ڈالر کا ہدف حاصل کرنا ہے، آئی ٹی ماہرین ہدف کے حصول کیلئے اپنی تجاویز دیں، گورننس کو پیپرلیس بنانے اور ڈیجیٹائزیشن سے متعلق تجاویز دی جائیں، ڈیجیٹائزیشن سے کرپشن کا خاتمہ ہوگا۔
ان کا کہنا تھا کہ محصولات میں اضافہ اور وسائل کا مؤثر استعمال یقینی ہوگا ۔
انہوں نے کہا کہ چھوٹے اور درمیانے درجے کے کاروبار کے فروغ کیلئے تجاویز دی جائیں۔
ان کا مزید کہنا تھا کہ فری لانسرز کو آگے بڑھنے کے مواقع فراہم کرنے ہیں ۔
