بالی ووڈ کے سپر سٹار شاہ رخ خان 2024 کے مالی سال میں سب سے زیادہ ٹیکس دینے والے اداکار بن گئے ۔
فورچون انڈیا کی رپورٹ کے مطابق شاہ رخ خان نے رواں ملی سال اداکاروں میں سب سے زیادہ 92 کروڑ ٹیکس ادا کیا ، شاہ رخ خان جن کی آخری تین فلموں پٹھان ، جوان اور ڈنکی نے باکس آفس پر ریکارڈ بزنس کیا ، نے ٹیکس دہندگان کی فہرست میں سب کو پیچھے چھوڑ دیا ہے ۔
اس فہرست میں ساوتھ کے سپرسٹار تھالاپتی وجے 80 کروڑ ٹیکس ادائیگی کے ساتھ دوسرے اور سپرسٹار سلمان خان 75 کروڑ ٹیکس ادائیگی کے ساتھ تیسرے نمبر پر رہے ، اس فہرست میں اور بھی کئی مشہور شخصیات جگہ بنانے میں کامیاب ہوئیں جن مین ویرات کوہلی ، رنبیر کپور ، کرینہ کپور ، کپل شرما ، وغیرہ شامل ہیں -
