محکمہ موسمیات نے ملک کے بیشتر علاقوں میں آج موسم گرم اور خشک رہنے کی پیشگوئی کردی۔
محکمہ موسمیات خیبرپختونخوا ،سندھ، کشمیر اور پہاڑی علاقوں میں چند مقامات پر بارش متوقع ہے اسلام آباد اور گردونواح میں مطلع جزوی ابر آلود رہنے کا امکان ہے۔
میرپورخاص،عمرکوٹ،مٹھی اورتھرپارکرمیں بارش ہوسکتی ہے،مری، گلیات اورگردونواح میں گرج چمک کےساتھ بارش متوقع ہے،ایبٹ آباد،مانسہرہ،بالاکوٹ،بٹگرام،سوات،بنوں،ڈی آئی خان میں بھی بارش کا امکان ہے۔
محکمہ موسمیات کا کہنا ہےکہ لاہورمیں آج وقفے وقفے سےبارش کا امکان موجود ہے،موجودہ درجہ حرارت 26 ڈگری سینٹی گریڈ ہوا میں نمی کا تناسب 80 فیصد ریکارڈکیا جارہا ہے، آج زیادہ سے زیادہ درجہ حرارت 33 سینٹی گریڈ اور کم سے کم 25 ڈگری ریکارڈ کیا جائے گا۔
مون سون بارشوں کا یہ سلسلہ اگلے ایک روزتک جاری رہے گا، بارش کے بعد درجہ حرارت میں نمایاں کمی آئےگی اور موسم مزید خوشگوار ہو جائے گا۔
