ویسٹ انڈیز کے فاسٹ باؤلر شینن گیبریئل نے انٹرنیشنل کرکٹ کو خیر آباد کہہ دیا ۔
فوٹو اینڈ ویڈیو شیئر پلیٹ فارم انسٹا گرام پر جاری ایک خصوصی بیان میں ویسٹ انڈیز کے فاسٹ باؤلر شینن گیبریئل نے انٹرنیشنل کرکٹ سے ریٹائرمنٹ کا اعلان کیا ۔
اپنے بیان میں شینن گیبریئل کا کہنا تھا کہ کرکٹ جیسے پیارے کھیل کو انٹرنیشنل لیول پر کھیل کر مجھے بہت زیادہ خوشی ملی ۔
ان کا کہنا تھا کہ ایک کہاوت ہے کہ سب اچھی چیزوں کا خاتمہ ہوتا اسی طرح میں بھی انٹرنیشنل کرکٹ سے اپنی ریٹائرمنٹ کا اعلان کرتا ہوں ۔
شینن نے اپنے بیان میں ویسٹ انڈیز کرکٹ بورڈ اور اپنے ساتھی کھلاڑیوں کا بھی شکریہ ادا کیا۔
View this post on Instagram
یاد رہے کہ فاسٹ باؤلر شینن گیبریئل نے 12 سال ویسٹ انڈیز کرکٹ ٹیم کی نمائندگی کی اور 59 ٹیسٹ ، 25 ایک روزہ اور 2 ٹی 20 انٹرنیشنل میچز میں مجموعی طور پر 202 وکٹیں اپنے نام کیں ۔
