ایران نے میزائل پروگرام تباہ کرنےکے امریکی اور اسرائیلی دعوؤں کی تردید کردی۔
ترجمان پاسداران انقلاب کے مطابق ہماری میزائل صنعت کی کارکردگی کے حوالے سے کوئی تشویش نہیں، تہران اب بھی میزائل اور ڈرونز تیار کر رہا ہے۔
ترجمان کے مطابق ہم جنگی حالات میں بھی میزائل تیار کر رہے ہیں، ذخائر جمع کرنے میں بھی کوئی خاص مسئلہ درپیش نہیں۔
دوسری جانب ایرانی پارلیمنٹ کے اسپیکر قالیباف نے سوشل میڈیا پر بیان میں کہا کہ ایف 35 طیارہ امریکا کے ناقابل شکست ہونے کی علامت تھا، ایرانی دفاعی نظام نے پہلی بار اس ناقابل شکست کو شکست دی، یہ لمحہ ایک نظام کے ٹوٹنے اور بکھرنے کی علامت بن گیا۔
