ایس سی او کی جانب سے کوٹلی آزاد کشمیر میں سافٹ وئیر ٹیکنالوجی پارک اور فری لانسنگ حب کاافتتاح کردیا گیا۔
ڈی جی ایس سی او میجرجنرل عمر احمد شاہ نےسافٹ وئیرٹیکنالوجی پارک کاافتتاح کیا،تقریب میں سول اور فوجی حکام کے علاوہ نوجوانوں اور طلبہ کی کثیر تعداد نے شرکت کی۔
آزاد کشمیر میں SCO جدید ترین اور کثیر لاگت سے تیارکردہ چالیس سے زائد سافٹ ویئر ٹیکنالوجی پارک قائم کر چکی ہے۔
آزاد کشمیر اورگلگت بلتستان کے دور دراز اور پسماندہ علاقوں میں ٹیلی مواصلات کی جدید ترین ٹیکنالوجی سے آراستہ پارکس مقامی نوجوانوں کو موقع فراھم کریں گے،پاک فوج کے ایسے اقدامات خطہ میں نوجوانوں کو بااختیار بنانے کے لیے ہمارے عزم کو ظاہر کرتے ہیں۔
