اولمپکس گولڈ میڈلسٹ ارشد ندیم نے چیئرمین جوائنٹ چیفس آف سٹاف کمیٹی جنرل ساحر شمشاد مرزا سے ملاقات کی ، جنرل ساحر شمشاد مرزا نے نیا اولمپک ریکارڈ قائم کرنے پر ارشد ندیم کی کاوشوں کو سراہا۔
آئی ایس پی آر کے مطابق ریکارڈ ہولڈر اولمپئن ارشد ندیم نے جوائنٹ سٹاف ہیڈ کوارٹرز میں چیئرمین جوائنٹ چیفس آف سٹاف کمیٹی جنرل ساحرشمشاد مرزا سے ملاقات کی۔ چیئرمین جوائنٹ چیفس آف سٹاف کمیٹی نے ارشد ندیم کی محنت اور لگن کی تعریف کی۔ نیا اولمپک ریکارڈ قائم کرنے پر ارشد ندیم کی کاوشوں کو بھی سراہا۔ جنرل ساحر شمشاد مرزا نے ارشد ندیم کی مستقبل کی کوششوں کیلئے نیک خواہشات کا اظہار بھی کیا۔
