پاکستان کی 77 ویں سالگرہ کو ملک بھر اور بیرون ملک میں بہت جوش و خروش سے منایا گیا
ترکیہ،سری لنکا،چین اورمصرمیں پاکستانی سفارتخانوں میں یوم آزادی کی مناسبت سے تقریبات کا انعقاد کرنے کے ساتھ پرچم کشائی بھی کی گئی۔
آزادی کی 77ویں سالگرہ پر ہونے والی ان تقریبات میں ملک کی خاطر جان کا نذرانہ پیش کرنے والوں کو خصوصی طور پر خراج عقیدت پیش کیا گیا۔
اس حوالے سےملی نغمے اورٹیبلوز بھی پیش کیےگئے، تقاریب میں متعدد بیرون ملک مقیم پاکستانیوں نےبھی شرکت کی،تقریبات میں قائداعظم اور علامہ اقبال کے وژن پر روشنی بھی ڈالی گئی۔
پاکستان کی آزادی کی سالگرہ قومی جوش و جذبے سے منانے کے ساتھ ساتھ کیک کٹنگ بھی کی گئی۔
دوسری جانب پاکستان کے 77ویں یومِ آزادی پر بھی انگلینڈ باالخصوص لندن میں مقیم پاکستانیوں نے آزادی کا جشن منایا اور بانیانِ پاکستان کو خراجِ عقیدت پیش کی۔
پاکستان کے 77ویں یومِ آزادی پرلندن میں آئی ایس پی آر کے جاری کردہ گانوں، ویڈیوز،کہانیوں وغیرہ کے ساتھ ایک خصوصی ڈیجیٹل اشتہاری وین چلائی گئی
لندن میں آئی ایس پی آر کےجاری کردہ گانوں،ویڈیوز،کہانیوں وغیرہ کے ساتھ خصوصی ڈیجیٹل اشتہاری وین کو ایک مخصوص روٹ دیا گیا۔
