لاہورہائیکورٹ کے جسٹس سلطان تنویر احمد نے الیکشن ترمیمی ایکٹ 2024 کے خلاف دائر درخواست سننے سے معذرت کرلی۔
لاہورہائیکورٹ کے جسٹس سلطان تنویر نے درخواست کی تو دوران سماعت عدالت نے ریمارکس دیئے کہ موجودہ درخواست سپریم کورٹ کے فیصلے کی تشریح سے متعلق ہے۔ آئندہ ہفتے میں بہاولپوربنچ پرمقدمات کی سماعت کروں گا یہ کیس اہم نوعیت کا ہے۔ عدالت آج ہی کیس فائل قائمقام چیف جسٹس لاہورہائیکورٹ کے پاس بھجوا رہی ہے۔
شہری منیراحمد نے درخواست ہائیکورٹ میں دائر کی۔ درخواست میں وفاقی حکومت، الیکشن کمیشن اورمختلف سیاسی جماعتوں کوفریق بنایا گیا جس میں موقف اختیار کیا گیا کہ الیکشن ترمیمی ایکٹ کے ذریعے سپریم کورٹ کی مخصوص نشستوں کے فیصلے کوختم کرنے کی کوشش کی گئی ہے۔
الیکشن ترمیمی ایکٹ 2024 کا اطلاق ماضی سے نہیں ہو سکتا۔عدالت سے استدعا ہے کہ الیکشن ترمیمی ایکٹ کوغیر آئینی قراردیاجائے۔ درخواست کے حتمی فیصلے تک پی ٹی آئی کے علاوہ کسی دوسری جماعت کو مخصوص نشستیں دینے سے روکا جائے۔
