پنجاب حکومت نے کاروباری مراکز کے اوقاتِ کار میں توسیع کرتے ہوئے نوٹیفکیشن جاری جاری کر دیا، صوبے بھر میں دکانیں، مارکیٹس، شاپنگ مالز اور بازار رات نو بجے بند ہوں گے۔
نوٹیفکیشن کے مطابق پنجاب حکومت نے کاروباری مراکز کے اوقاتِ کار میں توسیع کردی کرتے ہوئے نئی ٹائمنگ کا نوٹیفکیشن جاری کر دیا، صوبہ بھر میں دکانیں، مارکیٹس، شاپنگ مالز اور بازار رات 9 بجے بند ہوں گے۔
ڈیپارٹمنٹل، کریانہ اور جنرل اسٹورز کیلئےبھی رات 9 بجے تک کاروبار کی اجازت ہے تاہم شادی ہالز، مارکیزاور تقریباتی مقامات رات 10 بجے بند کرنے کی ہدایت کی گئی ہے ۔
ریسٹورنٹس، کیفے، سینما اور فوڈ آؤٹ لیٹس رات 11 بجے تک کھلے رہ سکیں گے، ٹیک اوے اور ہوم ڈیلیوری سروسز کو بندش کے اوقات سے استثنیٰ حاصل ہو گا۔
گرمی اور دن کے طویل دورانیے کے پیش نظر کاروباری اوقات میں نرمی کا فیصلہ کیا گیاہے، چیف سیکرٹری پنجاب کی منظوری سے نئے اوقاتِ کار فوری طور پر نافذ ہو گئے ہیں۔
فارمیسیز، ہسپتال، کلینکس اور میڈیکل لیبارٹریز بندش کے اوقات سے مستثنیٰ ہوں گی، بیکریز، تندور، دودھ اور ڈیری شاپس پر نئے کاروباری اوقات لاگو نہیں ہوں گے۔
پیٹرول، سی این جی اور الیکٹرک وہیکل چارجنگ اسٹیشنز کو بھی استثنیٰ دے دیا گیا، جم، اسپورٹس فیسلٹیز اور پیڈل کورٹس معمول کے مطابق کھلے رہ سکیں گے۔
آئی ٹی کمپنیوں اور کال سینٹرز کو کاروباری اوقات کی پابندی سے استثنیٰ حاصل ہو گا، پنجاب حکومت کا فیصلہ عوامی سہولت اور موسمی حالات کے پیش نظر کیا گیا۔
