محکمہ انسداد دہشت گردی پنجاب (سی ٹی ڈی) نے گوجرانولہ اور راولپنڈی میں کارروائی کرتے ہوئے داعش کے اہم کمانڈر سمیت 2 دہشت گردوں کو گرفتار کرلیا۔
سی ٹی ڈی حکام کے مطابق گرفتار دہشت گرد حساس اضلاع میں دہشت گردی کی منصوبہ بندی مکمل کرچکے تھے، دہشت گردوں کی گرفتاری انٹیلی جنس بیسڈ آپریشن کے دوران عمل میں لائی گئی۔
حکام کا کہنا ہے کہ کارروائی میں دہشت گردوں کے ٹھکانے سے بارودی مواد، اسلحہ اور خودکش جیکٹ بنانے کا سامان بھی برامد کیا گیا۔
سی ٹی ڈی حکام کے مطابق ملزمان کی شناخت ذاکر اللہ اور عیسیٰ کے نام سے ہوئی، ملزمان کیخلاف مقدمات درج کرکے تفتیش شروع کردی گئی ہے۔
